Tryggja verður flutningsgetu á raforku til Dalabyggðar, að mati starfshóps sem Guðlaugur Þór Þórðarson, umhverfis-, orku- og loftslagsráðherra, skipaði til að vinna tillögur um aðgerðir sem heyra undir málefnasvið ráðuneytisins og stuðlað geta að því að efla samfélagið í Dalabyggð. Að mati hópsins verður það best gert með nýjum jarðstreng frá Stykkishólmi að Glerárskógum, Búðardal, en slík uppbygging sé nauðsynleg til að tryggja samkeppnishæfni svæðisins og greiða fyrir orkuskiptum.