Í Skessuhorni sem kom út í dag, og hér á vefnum, er að finna tvær aðsendar greinar sem báðar fjalla um Jaðarsbakkasvæðið á Akranesi og framtíðarsýn þess. Óhætt er að segja að þar takist á tvö ólík sjónarmið. Hópur fólks er á bak við báðar greinarnar.

Í annarri greininni er bæjarstjórn Akraneskaupstaðar krafin svara við fjórtán spurningum um stöðu mála og framtíðarsýn bæjaryfirvalda. Málið snýst um fyrirætlanir um færslu fótboltavallar og byggingu heilsuhótels á Jaðarsbakkasvæðinu, sem greinahöfundar eru mótfallnir.  

Í hinni greininni, sem enn stærri hópur fólks skrifar, er fjallað um hvernig gera má Akranes að fremstu heilsu-, íþrótta- og ferðamannamiðstöð Íslands. Þar er bæjarstjórn, íþróttahreyfingin og hagsmunaaðilar hvattir til að að vinna ótrauð áfram að; „framgangi þessa metnaðarfulla verkefnis öllu samfélaginu okkar til heilla.“