medium

large

thumbnail

1536x1536

small

custom-size

“Ég var alinn upp við það að vinna”

2048x2048

Ekkert liggur enn fyrir um ráðstöfun fjárveitinga til vegabóta

Aflasæll öldungur heldur brátt í sína hinstu för

Jakob Svavar og Kristín Eir efst í forkeppni fyrsta dags

Tjaldfylli á fyrstu tónleikum Írskra daga

Yfir tvö tonn af ufsa auk dagsskammts af þorski

core/paragraph

Í gær uppgötvaðist að hundar hafa gengið lausir í fjárhópum bænda í Borgarfirði og ýmist drepið kindur eða flæmt þær út í skurði. Á bænum Höll í Þverárhlíð fann Grétar Þór Reynisson bóndi níu dauðar kindur síðdegis í gær og eina til viðbótar helsærða. Aðfarirnar segir hann gjörólíkar því þegar tófa leggst á fé og telur fullvíst að hundar hafi verið á ferð. Þekkt er að þegar tveir eða fleiri hundar ganga lausir geti þeir átt það til að leggjast á fé. Grétar í Höll segir aðfarirnar hafa verið skelfilegar en fé frá honum hefur flest gengið í hálsinum ofan við bæinn. Sumar ærnar segir hann hafa verið flæmdar út í læk og drukknað en aðrar verið bitnar. Vísbendingar eru um að hundarnir hafi einnig gert usla í fé á fleiri bæjum. Meðal annars á Glitstöðum í Norðurárárdal og Högnastöðum í Þverárhlíð.

Grétar segir að vart hafi verið við hundana í fé á Högnastöðum í gærkvöldi og bæði lögreglu og dýraeftirlitsmanni Borgarbyggðar gert viðvart. Hann segist ekki geta fullyrt um að búið sé að ná hundunum, en sjálfur var hann fram á nótt að huga að sínu fé. Grétar segist hafa opnað túnhliðið hjá sér í gærkvöldi og talsvert af fénu hafi strax skilað sér heim í tún. Í dag verður svo smalað og talið í fjárhópnum en Grétar óttast að fleiri kindur liggi dauðar eða særðar og verður leitað í dag.

Böndin berast að tveimur ársgömlum hundum sem auglýst var eftir fyrir fimm dögum. Höfðu þeir verið á bæ í Norðurárdal en látið sig hverfa frá eigendum sínum. Á FB síðunni Uppsveitir Borgarfjarðar var auglýst eftir hundunum fyrir fimm dögum og þrátt fyrir leit eigenda höfðu þeir ekki komið í leitirnar í gær, þegar fregnir bárust af dauðu fé og særðu.

Hundar ganga lausir og hafa drepið fjölda fjár