KLAK - Icelandic Startups stendur um þessar mundir fyrir viðskiptahraðli fyrir sprotafyrirtæki í ferðaþjónustu og bárust ríflega 30 umsóknir í hraðalinn af öllu landinu. Metfjöldi umsókna var af landsbyggðinni og þar á meðal tvö frá Akranesi sem hlutu brautargengi. Ferðaþjónusta er ein mikilvægasta atvinnugreinin hér á landi og ljóst að áhugi er mikill fyrir því að gera enn betur með nýsköpun að leiðarljósi. Þau tíu teymi sem valin voru í hraðalinn skiptast skiptast þannig að helmingur er af höfuðborgarsvæðinu og helmingur frá öðrum landshlutum, þ.e. Reykjanesi, Suðurlandi, Norðausturlandi og Vesturlandi.