Fyrr í dag undirrituðu fulltrúar Carbfix, Elkem á Íslandi og Þróunarfélags Grundartanga undir samstarfssamning um undirbúning að föngun og kolefnisbindingu frá kísilmálmveri Elkem. Viðstaddir undirritunina voru fulltrúar fyrirtækjanna, sveitarfélaga og gestir auk Guðlaugs Þórs Þórðarsonar umhverfisráðherra. Meginmarkmið samstarfsins er að fanga koldíoxíð úr útblæstri Elkem og binda til frambúðar með því að nýta aðferð Carbfix til að umbreyta gasinu í stein djúpt neðanjarðar á innan við tveimur árum.