Alexandra Björg Andradóttir frá Grundarfirði byrjaði í blaki þegar hún var tíu ára og var deginum ljósara að þetta var hennar íþrótt. Í gegnum árin hefur hún staðið sig mjög vel, bæði með barnaflokkum og meistaraflokki og hefur hún mætt á fjölmörg mót með báðum flokkum.  Í sumar var henni boðið að mæta í úrtak fyrir U-17 ára landsliðið í blaki eða einum aldursflokki fyrir ofan sig. Við tóku þrjár æfingahelgar með hópnum og náði Alexandra að vera með í tveimur af þremur en hún var stödd erlendis í bekkjarferðalagi þegar þriðja helgin var. Fyrsta helgin var á Neskaupstað í byrjun ágúst og seinni helgin í Mosfellsbæ í lok ágúst.