Síðasta miðvikudag fengu foreldrar barna á leikskólanum Garðaseli á Akranesi að koma í heimsókn og skoða Bambahús sem búið er að koma fyrir á leikskólalóðinni. Þarna verður hægt að rækta grænmeti og blóm meðal annars. Börnin munu verða í aðalhlutverki í nýtingu hússins en þar munu þau hafast við að planta, vökva og passa upp á það sem ræktað verður í húsinu. Fyrir rúmu ári síðan var Bambahúsi sem leikskólinn Akrasel keypti um sumarið komið fyrir í skógræktinni og húsið verið notað í umhverfismenntarvinnu og ævintýraferðir leikskólans.