Norðurljósahátíðin fór fram í Stykkishólmi um síðustu helgi og heppnaðist hún vel og margt var um manninn í bænum. Hjördís Pálsdóttir, ein af skipuleggjendum hátíðarinnar, segir að sýningar hafi verið víða um bæinn. Á setningarathöfn hátíðarinnar voru veittar viðurkenningar fyrir framlag til menningar og lista. „Það er bæjarstjórn Sveitarfélagsins Stykkishólms sem velur hver hlýtur viðurkenningu hverju sinni og í ár voru það Svanborg Sigurgeirsdóttir og Gréta Sigurðardóttir,“ segir Hjördís.