Hjá sveitarfélögum landsins er nú til umsagnar tillaga Guðlaugs Þórs Þórðarsonar umhverfisráðherra sem fól í sér þá breytingu að færa stjórnsýslu heilbrigðiseftirlits frá sveitarfélögum til ríkisins. Bæjarstjórn Akraneskaupstaðar er meðal þeirra umsagnaraðila sem mótmælt hafa þeim fyrirætlunum. Sveitarstjórn Borgarbyggðar var með málið til afgreiðslu á fundi sínum 9. október síðastliðinn. Umhverfis- og landbúnaðarnefnd sveitarfélagsins hafði ályktað að flutningur á heilbrigðiseftirliti frá sveitarfélögum til ríkisins myndi hafa neikvæðar afleiðingar fyrir íbúa og fyrirtæki innan sveitarfélaganna.