Klukkan sex í morgun voru björgunarsveitir á norðanverðum Vestfjörðum kallaðar út á hæsta forgangi vegna fiskibáts sem hafði strandað utarlega í Súgandafirði. Í tilkynningu frá Landsbjörgu kemur fram að björgunarbátarnir Stella frá Flateyri, Kobbi Láka frá Bolungarvík og björgunarskipið Gísli Jóns frá Ísafirði héldu þegar á staðinn, ásamt björgunarsveitinni Björg á Suðureyri, sem sendi björgunarfólk landleiðina sem og á slöngubát. Jafnframt var áhöfn þyrlu Landhelgisgæslunnar kölluð út.