Um nýliðna helgi var þess minnst að 350 ár eru frá andláti séra Hallgríms Péturssonar prests og sálmaskálds sem lengst þjónaði við kirkjuna í Saurbæ. Í ljósi þess að fæðingardagur Hallgríms er ekki þekktur, en hins vegar dánardagur hans 27. október, er nú stefnt að því framvegis að minnast Hallgríms og Guðríðar konu hans sem næst ártíð hans. Í ár var sérstök hátíð í ljósi þess að 350 ár eru liðin frá andláti hans 1674. Blásið var til hátíðar bæði laugardag og sunnudag. Undirbúningur hefur staðið yfir lengi og ljóst var að engu var til sparað til að gera stundina hátíðlega og veglega, bæði í tali og tónum.