Á Bleika deginum síðastliðinn miðvikudag bauð Krabbameinsfélag Snæfellsness til samveru og viðburðar í Sögumiðstöðinni í Grundarfirði. Fullt var út úr dyrum og þurfti hluti gesta að standa á meðan dagskráin fór fram. Guðrún Hrönn Hjartardóttir sagði frá sinni reynslu um krabbamein sem náinn aðstandandi og svo mæðginin Pétur Steinar Jóhannsson og móðir hans Júníana Björg Óttarsdóttir sögðu frá sinni lífsreynslu en Pétur Steinar greindist með krabbamein aðeins 23 ára gamall. Hann er krabbameinslaus í dag eftir erfiða lífsreynslu.