Í kvöld klukkan 20 mun nýr framboðslisti Miðflokksins í Norðvesturkjördæmi vegna kosninga til Alþingis í lok nóvember verða kynntur og lagður fram til samþykktar. Í tilkynningu, sem birt er á vef Vísis, kemur fram að uppstillingarnefnd Miðflokksins í Norðvesturkjördæmi hafi lagt til að Ingibjörg Davíðsdóttir fyrrverandi sendiherra leiði lista flokksins. Ekki er uppgefið hverjir aðrir munu skipa sæti á listanum. Fram kom fyrr í vikunni að Bergþór Ólason þingmaður flokksins mun færa sig um set og verður oddviti Miðflokksins í Suðvesturkjördæmi, Kraganum svokallaða. Við síðustu kosningar hreppti Bergþór jöfnunarþingsætið í NV kjördæmi.