Þessi mynd var tekin á Íslandsmóti í hestaíþróttum í Borgarnesi 2013. Þarna er hart barist í skeiðinu; Elvar Einarsson á Hrapp frá Sauðárkróki og Hinrik Bragason á Veigari frá Varmalæk. Ljósm. iss
Fjórðungsmót verður haldið í Borgarnesi í júlí
Hestamannafélögin á Vesturlandi hyggjast halda fjórðungsmót vestlenskra hestamanna í Borgarnesi dagana 2.-6. júlí næsta sumar. Á fundi byggðarráðs Borgarbyggðar síðastliðinn fimmtudag var samþykkt að sveitarfélagið styrkti Hestamannafélagið Borgfirðing um sex milljónir króna vegna mótsins.