Samtök sveitarfélaga á Vesturlandi hafa nú fengið aðgang að samráðsgátt ríkisins til að kynna drög að Sóknaráætlun Vesturlands 2025-2029. Nú er áætlunin því komin í opið samráðsferli til 15. nóvember. Allir geta sent inn ábendingar og tillögur varðandi áætlunina, markmið hennar og innihald. Sóknaráætlun Vesturlands er fimm ára áætlun sem er ætlað að vera leiðarljós í þróun landshlutans á tímabilinu.