medium

large

thumbnail

1536x1536

small

custom-size

Akranesmeistarar í tvímenningi í pílu

Arna Lára býður sig fram til forystu

Ný þrektæki í Heiðarborg

Banna lagningu öðrum megin í þremur götum í Jörundarholti

Nýr þjónustufulltrúi í Snæfellsjökulsþjóðgarði

Skagamenn unnu stóran sigur á Þór

core/paragraph

Skemmtileg glímuför var farin til Maryland í Bandaríkjunum í byrjun október. Fjórar glímuhetjur spenntu á sig beltið og héldu í Vesturheim. Það voru þau Þórður Páll Ólafsson glímukóngur, Kristín Embla Guðjónsdóttir glímudrottning til þriggja ára og þar á meðal síðasta árs, Einar Eyþórsson glímukóngur síðasta árs ásamt Jóhönnu Vigdísi Pálmadóttur sem meðal annars hefur hlotið titilinn Íþróttamaður UDN 2021 og 2023.

Þessi glímuför var farin á vegum samtakanna Odins Warrior Tribe, sem eru samtök fyrrum og núverandi einstaklinga innan hersins, lögreglunnar og slökkviliðsmanna sem aðhyllast heiðna siði. Glímumennirnir ásamt víkingarannsóknar samtökunum Hurstwic voru þar leiðbeinendur til að kenna íslenska glímu og fornu arfleið hennar sem aðferð til átaka í tengslum við vopnaðan bardaga. Æfingabúðirnar stóðu yfir í fjóra ákafa daga, byrjað var á því að fara yfir hin almennu hugtök glímu svo sem stíganda, handátak við belti og brögðin en því meira sem leið á var þrýstingurinn skrúfaður upp.

Fyrsta daginn var bændaglíma milli tveggja fylkinga og er ansi líklegt að þetta sé stærsta bændaglíma sem farið hefur fram í Bandaríkjunum, a.m.k. síðustu 100 árin eða svo. Vel ber að merkja að bændaglíman var haldin sama dag og kom í fréttum að norðurljós gætu sést á himni í Maryland, íslenskara verður það ekki!

Annan daginn var svo keppni um glímuorðstírinn þar sem glímukóngurinn bauð öllum á svæðinu að skora á sig. Ef hann myndi falla mætti fólk státa sig af því það sem eftir var að hafa fellt kónginn en þessi keppni var nefnd á ensku „Kill the King.“ Þótt fjölmargar stæðilegar hetjur hafi skorað á hann Þórð þá hélt hann velli. Mætti segja að Þórður sé eins og Elli sjálf í glímunni við þrumu- og fangbragðagoðið Þór, það falla allir fyrir Elli. Það er ekki spurningin, það er hversu lengi þú stendur á móti henni sem skiptir máli.

Rýnt var djúpt í forna arfglímu sem er aðferð til átaka í tengslum við vopnaðan bardaga eins og hægt er að lesa um í nánast hvaða Íslendingasögu sem er. Þessi arfur hefur lítt verið rannsakaður en sýnir svart á hvítu hversu dýrmætur þessi arfur okkar er. Að vissu leyti hélt hann í okkur Íslendingunum lífinu, ekki bara með skemmtun og líkamsmennt, heldur einnig sem hluti af vopnabúri í vígalegri heimi en Ísland er í dag.

Gestgjafarnir okkar, Odins Warrior Tribe, sýndu Þjóðaríþróttinni ákafan áhuga og ástríðu, einnig voru þau hinir fullkomnu gestgjafar og sáu fyrir okkur að öllu. Glímumönnunum fjórum var boðið í hofið þeirra til að sitja að sumbli, þar sem meðal annars íslensk glíma var heiðruð í máli við drykkjarhorn. Samtökin eiga einnig víkingaskipið Sæúlf og var glímumönnum boðið í siglingu á því skipi og öðru lánsvíkingaskipi.

Það er mikil innspýting fyrir glímuna og okkar glímumenn að finna að slík virðing og ástríða er borin fyrir þjóðaríþróttinni utan landsteinanna.

2048x2048

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/10/Foru-i-glimuferd-til-Bandarikjanna2-1200x900.jpg" alt="" class="wp-image-83991" /><figcaption>Skipið Sæúlfur sem var byggt fyrir hópinn Odins Warrior Tribe.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/10/Foru-i-glimuferd-til-Bandarikjanna3-1200x977.jpeg" alt="" class="wp-image-83992" /><figcaption>Í hofi Odins Warrior Tribe þar sem setið var að sumbli, drukkið var mjöður úr hornum og meðal annars skálað fyrir íslenskri glímu og hópnum.</figcaption></figure>

Fréttaveita Vesturlands

Fóru í glímuferð til Bandaríkjanna