Síðastliðinn laugardag var brúardekkið steypt við Eyri í Kollafirði í Reykhólasveit. Brúargerðin er á vegum Vestfirskra verktaka og vinnur fyrirtækið að tveimur brúm sitt hvorum megin við Klettshálsinn, hin er yfir í Skálmardal. Eins og jafnan þegar brýr eru steyptar er kappkostað að hafa samfellu í verkinu þannig að engin steypuskil myndist. Brúargólfið er 80 cm þykkt og því þurfti 255 rúmmetra af steypu í verkið.