medium

large

thumbnail

1536x1536

small

custom-size

Akranesmeistarar í tvímenningi í pílu

Arna Lára býður sig fram til forystu

Ný þrektæki í Heiðarborg

Banna lagningu öðrum megin í þremur götum í Jörundarholti

Nýr þjónustufulltrúi í Snæfellsjökulsþjóðgarði

Skagamenn unnu stóran sigur á Þór

core/paragraph

Félag framhaldsskólakennara hefur með reglulegum hætti sent félagsfólki sínu og skólameisturum tölfræði um launaþróun í framhaldsskólum. Samkvæmt nýjustu tölum sem miðast við fyrri hluta árs 2024 þá er ljóst nýr stofnanasamningur er að skila ætluðum árangri í þróun dagvinnulauna og er Fjölbrautaskóli Vesturlands á Akranesi nú meðal sex efstu skólanna, af þeim 27 skólum sem samantektin nær til, þegar horft er til meðaltalsdagvinnulauna. Þetta kemur fram í Skruddunni, fréttabréfi FVA, sem birtist í dag.

„Mikið hefur því áunnist frá árinu 2019 þegar FVA var meðal þeirra neðstu í sömu samantekt. Hins vegar er ljóst að grunnlaun kennara skv. miðlægum kjarasamningi þurfa að hækka en lítið hefur þokast í samningaviðræðum hingað til. Nú liggur fyrir verkfallsboðun í FSU auk grunn,- leik- og tónlistarskóla. Þetta er grafalvarleg staða, verkfallið í FSU stendur til 20. desember svo það mun hafa verulega skaðleg áhrif. Vonandi verður þetta til þess að knýja á um að gengið verði að samningaborði og kjör kennara bætt hið fyrsta,“ segir í Skruddunni.

Kennarafélag FVA hefur sent frá sér eftirfarandi ályktun vegna kjaradeilu framhaldsskólakennara: „Kennarafélag Fjölbrautaskóla Vesturlands lýsir yfir áhyggjum af þeirri stöðu sem uppi er í kjaradeilu framhaldsskólakennara við ríkið.&nbsp; Það er óásættanlegt að samninganefnd ríkisins hafi ekki komið að samningaborðinu svo hægt sé að tryggja réttlát kjör fyrir okkar félagsfólk. Við leggjum sérstaka áherslu á jöfnun launa milli markaða. Þrátt fyrir fyrri loforð og undirritað samkomulag árið 2016 um jöfnun launa milli almenna og opinbera markaðarins hefur ekkert gerst í málinu. Kennarar verða að vera samkeppnishæfir á vinnumarkaði og með öllu óásættanlegt að þeir dragist aftur úr í launaþróun meðan á samningstíma stendur. Félagið lýsir yfir stuðningi við samninganefnd Félags framhaldsskólakennara og viðræðunefnd Kennarasambands Íslands. Setjum aukinn kraft í baráttuna!“

2048x2048

Kennarafélag FVA sendir frá sér ályktun vegna kjaradeilu framhaldsskólakennara