Eigendur og rekstraraðilar þjónustu- og verslunarfyrirtækja við brúarsporðinn í Borgarnesi vekja máls á því að ekki er möguleiki fyrir ferðafólk að losna við rusl þegar það á leið um bæinn. Fyrir bragðið er mikil ásókn í að setja rusl í gáma á vegum fyrirtækjanna. Ef gámunum er læst er ruslið einfaldlega lagt við hlið þeirra og fýkur svo þaðan undan vindi og veðrum og gjarnan eftir að fuglar hafa tætt upp pokana. Fyrirtækjaeigendur við Digranesgötu og Hyrnutorg segja litlum skilningi að mæta hjá forsvarsmönnum sveitarfélagsins.