Uppskeruhátíð Landsambands hestamannafélaga og deildar hrossabænda innan BÍ var haldin í gær í Gullhömrum í Reykjavík. Að vanda voru ýmis verðlaun veitt fyrir góðan árangur á árinu, auk heiðursverðlauna. Knapi ársins 2024 var Árni Björn Pálsson, skeiðknapi ársins Konráð Valur Sveinsson og gæðingaknapi ársins Sigurður Vignir Matthíasson. Efnilegasti knapi ársins er Matthías Sigurðsson og Íþróttaknapi ársins Jakob Svavar Sigurðsson. Keppnishestabú ársins er hjá þeim Agnari Þór og Birnu á Garðshorni á Þelamörk í Eyjafirði.