medium

large

thumbnail

1536x1536

2048x2048

small

custom-size

Frelsistilfinningin er rík í mér

Er sama um álit annarra

Alin upp við að láta á allt reyna

Kveðjur úr héraði – Jól með dönsku ívafi

Kveðjur úr héraði – Hugleiðing á aðventu og jólakveðja úr Staðarsveit

Kveðjur úr héraði – Jólahugvekja úr Skorradal

core/paragraph

„Hvernig byggjum við upp öruggara skólaumhverfi fyrir hinsegin ungmenni á landsbyggðinni? Hvernig getum við bætt skólaumhverfið, unnið gegn jaðarsetningu og stuðlað að meiri inngildingu hinsegin nemenda? Hvernig getum við aukið þann stuðning sem hinsegin nemendur og fjölskyldur þurfa á að halda í skólanum á landsbyggðinni?“ Þetta voru þrjár grundvallarspurningar sem velt var upp á málþingi sem félagið Hinsegin lífsgæði efndi til í Verkmenntaskólanum á Akureyri síðastliðinn föstudag. Yfirskrift málþingsins var; „Að tilheyra – fitting in – lýðheilsa hinsegin ungmenna á landsbyggðinni.“ Málþingið var prýðilega sótt en það var opið öllum en ekki síst kennurum og öðrum áhugasömum starfsmönnum skóla sem vilja auka þekkingu sína á lýðheilsu hinsegin ungmenna á landsbyggðinni og hvernig unnt sé að styðja og valdefla þau innan skólakerfisins. Málþingið á Akureyri markaði upphaf fundaraðar um sama málefni á næstu tíu dögum. Fundirnar verða á Hellu, Egilsstöðum, Húsavík, Blönduósi, í Borgarnesi og síðasti fundurinn verður á Patreksfirði 21. október nk.

Maðurinn á bak við verkefnið Hinsegin lífsgæði er Davíð Samúelsson. Hann segist lengi hafa talið þörf á aukinni umræðu um að tryggja hinsegin ungmennum í skólum í hinum dreifðu byggðum öruggt skólaumhverfi. Að skapa umræðuvettvang með kennurum og öðrum starfsmönnum skólanna – á öllum skólastigum – sé afar mikilvægt. Hinar dreifðu byggðir landsins eru Davíð hugleiknar. Hann er fæddur og uppalinn í Neskaupstað en hefur einnig búið á Suðurlandi og í Reykjavík og einnig var hann um tíma í Færeyjum og þekkir því ágætlega til færeysks samfélags. Lengi starfaði hann í ferðaþjónustu, m.a. sem framkvæmdastjóri Markaðsstofu ferðamála á Suðurlandi. Hann þekkir því vel hjartaslag landsbyggðarinnar frá ýmsum hliðum.

„Ég er samkynhneigður kennari og því stendur þetta mál mér nálægt. Ég rakst ekki alltaf vel í skólakerfinu, sumpart má segja að ég hafi verið jaðarsettur nemandi. Og kennararnir sem ég hafði í æsku voru ansi misjafnir og því má kannski segja að ég hafi ákveðið að læra að verða kennari til þess að geta sem kennari leiðrétt þau mistök sem sumir mínir gömlu kennarar gerðu þegar ég var í skóla. Ég fór í meistaranám í menntunarfræðum við Háskólann á Akureyri og þá kynntist ég Bergljótu Þrastardóttur lektor og þá fóru hjólin að snúast og það verkefni sem ég er núna að vinna að, m.a. með þeirri fundaröð sem hófst í VMA, er rökrétt framhald kannana sem hafa verið gerðar um málefni hinsegin nemenda á landsbyggðinni. Stóra spurningin sem þarf að spyrja í öllum skólum hvað málefni hinsegin nemenda varðar er þessi; hver er staðan í skólaumhverfinu? Þessir fundir eru hugsaðir sem samráðsvettvangur þar sem kennarar tali saman, beri saman bækur sínar og deili reynslu sinni úr skólanum og skólastofunni. Hvernig getum við unnið að því í sameiningu að skapa hinsegin nemendum traust og gott skólaumhverfi þar sem öllum líður vel? Og í gjörbreyttu samfélagi á síðustu árum þar sem innflytjendum fjölgar á Íslandi þarf líka að ná til nemenda af erlendum uppruna og fræða þá um fyrir hvað við hér á Íslandi stöndum sem samfélag,“ segir Davíð í viðtali sem birt var á vef VMA.

Fjallað um hinsegin lífsgæði í framhaldsskólum