Í tilefni af 100 ára afmæli Verkalýðsfélags Akraness var opið hús í dag, föstudag, á skrifstofu félagsins á Þjóðbraut 1 milli klukkan 13 og 17. Léttar veitingar voru í boði og vel mætt. Ljósmyndari Skessuhorns kom við um miðjan dag og tók nokkrar myndir af gestum og gangandi.

Í kvöld verða svo tónleikar með Helga Björns og Reiðmönnum vindanna og hefjast þeir klukkan 20:30 og húsið opnar klukkan 20.