medium

large

thumbnail

1536x1536

small

custom-size

Akranesmeistarar í tvímenningi í pílu

Arna Lára býður sig fram til forystu

Ný þrektæki í Heiðarborg

Banna lagningu öðrum megin í þremur götum í Jörundarholti

Nýr þjónustufulltrúi í Snæfellsjökulsþjóðgarði

Skagamenn unnu stóran sigur á Þór

core/paragraph

Dúna Sturlaugsdóttir hefur verið ráðin sem aðstoðarþjálfari meistaraflokks kvenna hjá ÍA með áherslu á styrktarþjálfun og þróun yngri kvenna leikmanna hjá félaginu. Dúna hefur mikla reynslu, bæði sem þjálfari og leikmaður. Hún er með UEFA-B þjálfaragráðu og er íþróttafræðingur með master í íþróttavísindum og þjálfun, sem og heilsuþjálfun og kennslu. Ásamt þjálfuninni starfar Dúna sem verkefnastjóri Farsæls Frístundastarfs hjá Akraneskaupstað. Dúna á 94 leiki fyrir ÍA sem leikmaður, skoraði í þeim 24 mörk og var um tíma fyrirliði liðsins. Dúna hefur áður starfað sem styrktarþjálfari hjá sænska knattspyrnuliðinu Kristianstad sem og íslenska kvennalandsliðinu í knattspyrnu.

„Það er góð tilfinning að vera komin aftur til baka í uppeldisfélagið. Hér ólst ég upp og á dásamlegar minningar, og er spennt fyrir því að taka þátt í því góða starfi sem er að eiga sér stað hjá kvennaflokkum KFÍA,“ segir Dúna á Facebook síðu Knattspyrnufélags ÍA.

Dino Hodzic hefur hefur verið ráðinn markmannsþjálfari félagsins. Dino Hodzic mun bæði sjá um markmenn beggja meistaraflokka félagsins sem og markmenn yngri flokka.

Dino er orðinn Skagamönnum vel kunnugur en hann hefur leikið fyrir meistaraflokk félagsins frá árinu 2019. Dino hefur á sínum leikmannaferli spilað fyrir bæði Vejle og Frederica í Danmörku. Hann hefur einnig komið að þjálfun yngri flokka ÍA undanfarin ár. Dino hefur á sínum ferli unnið með þekktum markmannsþjálfurum í greininni og er þessa stundina að sækja menntun KSÍ í þjálfun markmanna.

„Ég er þakklátur fyrir það tækifæri sem mér hefur verið gefið hjá félaginu. Ég hef notið þess að vera hluti af samfélaginu á Akranesi frá því ég kom hingað fyrst og hér líður mér og fjölskyldu minni mjög vel. Ég hlakka til að vinna með þeim fjölmörgu góðu og efnilegu markvörðum innan félagsins á komandi árum.“

„Við erum gríðarlega ánægð með að hafa fengið jafn reynslumikla þjálfara inn í þjálfarateymið okkar. Á sama tíma þökkum við þeim Aldísi Ylfu Heimisdóttur og Þorsteini Magnússyni fyrir góð störf fyrir félagið og óskum við þeim góðs gengis í komandi verkefnum. Aldís Ylfa hefur þegar lokið störfum hjá félaginu en Þorsteinn klárar síðustu leiki tímabilsins hjá meistaraflokki karla,“ segir í tilkynningu KFÍA.

Fréttaveita Vesturlands

Dúna og Dino nýir þjálfarar hjá ÍA