Tryggingafélagið Sjóvá flytur skrifstofu sína á Akranesi á morgun frá Þjóðbraut 1 og að Smiðjuvöllum 28. „Við stækkum við okkur og höfum opið lengur á Akranesi,“ segir í tilkynningu.

„Föstudaginn 11. október flytur starfsemi okkar á Akranesi í nýtt og stærra húsnæði að Smiðjuvöllum 28. Við lengjum opnunartímann og verðum nú með opið fyrir komur viðskiptavina í útibúið mánudaga til fimmtudaga frá kl. 9:00-16:00 og föstudaga frá kl. 9:00-15:00. Auk þess erum við að bæta við okkur starfskrafti og verðum því fleiri í útibúinu okkar. Sjóvá hefur alltaf lagt sig fram við að veita framúrskarandi og aðgengilega þjónustu og við hlökkum til að halda áfram langri sögu Sjóvá á Akranesi. Við tökum enn betur á móti ykkur á nýjum stað,“ segir í tilkynningu.