Knattspyrnufélag ÍA hefur tilkynnt að félagið hafi framlengt samning sinn við Jón Þór Hauksson, þjálfara Skagamanna í Bestu deild karla, til næstu þriggja ára. Jón Þór er á sínu þriðja tímabili sem þjálfari liðsins. ÍA féll úr Bestu deildinni árið 2022 en vann Lengjudeildina 2023 og kom sér aftur upp í deild þeirra bestu. Sem nýliði er ÍA núna í 5. sæti og á möguleika á Evrópusæti þegar tvær umferðir eru eftir af Íslandsmótinu.