medium

thumbnail

small

custom-size

Stjórnarslit og boðað til þingkosninga í lok nóvember

Bjarki Pétursson ráðinn framkvæmdastjóri Golfklúbbs Borgarness

large

1536x1536

2048x2048

Slapp með skrekkinn þegar bíll hans rann í hálku og valt

Vestlendingar sigursælir á uppskeruhátíð LH

Minningarstund Englaforeldra í Akraneskirkju á þriðjudagskvöldið

Fjallað um hinsegin lífsgæði í framhaldsskólum

core/paragraph

Stjarnan og ÍA áttust við í annarri umferð efri helmings Bestu deildar karla í knattspyrnu í gærkvöldi og var viðureignin á Samsungvellinum í Garðabæ. Aðstæður til að leika knattspyrnu voru með besta móti, kalt en lítill vindur og stemningin afar góð hjá þeim rúmlega sex hundruð áhorfendum sem létu vel í sér heyra nánast allan tímann. Það var mikið undir í leiknum því liðið sem myndi taka öll þrjú stigin í leiknum yrði einu eða tveimur stigum á eftir Val í baráttu um þriðja sætið sem gefur þátttökurétt í Sambandsdeild Evrópu á næsta ári en jafntefli hefði gefið liðunum lítið.

Leikurinn fór rólega af stað þar sem liðin voru að þreifa fyrir sér og fyrsta alvöru færið fékk Hinrik Harðarson þegar hann keyrði í átt að vítateignum en skot hans fór rétt fram hjá marki Stjörnunnar. Það dró svo til tíðinda á 18. mínútu þegar Hilmar Árni Halldórsson tók hornspyrnu sem rataði beint á kollinn á Emil Atlasyni sem skallaði boltann í netið og Skagamenn alls ekki vel á verði. Skömmu síðar átti Marko Vardic skalla að marki en heimamenn náðu að bjarga á línu. Gestirnir reyndu hvað þeir gátu til að jafna metin eftir þetta en gekk illa að skapa sér færi og staðan 1-0 í hálfleik, Stjörnunni í vil.

Heimamenn náðu síðan tveggja marka forystu eftir átta mínútna leik í seinni hálfleik þegar Hilmar Árni skaut að marki og fór boltinn í báðar markstangirnar og síðan í varnarmanninn Johannes Vall og í netið. Aftur tóku Skagamenn kipp í kjölfarið en eins og áður voru þeir ekki líklegir að ná marki og leikurinn nánast fjaraði út. Á fjórðu mínútu í uppbótartíma fékk síðan varamaðurinn Jón Hrafn Barkarson boltann inn fyrir vörnina eftir sendingu frá Hilmari Árna og sendi knöttinn í gegnum klofið á Árna Marinó Einarssyni í marki ÍA. Lokatölur 3-0 og líklegast sanngjörn úrslit þegar upp var staðið.

Jón Þór Hauksson þjálfari ÍA var í viðtali við Gunnlaug Jónsson á Stöð 2 Sport eftir leik og sagði að lokatölurnar hefðu verið ljótar og of stórar fyrir sinn smekk. „Við erum ekki að nýta færin okkar og við erum ekki að skapa nógu mikið af færum en við erum að skapa okkur stöður til að komast í færin í síðasta leik. Við náum ekki að koma okkur í nógu mörg afgerandi færi og náum ekki að klára þau færi sem þó sköpuðust“, sagði Jón Þór um það sem vantaði upp á hjá hans mönnum í leiknum.

Víkingur R. og Breiðablik eru langefst í deildinni með 55 stig og berjast vonandi um Íslandsmeistaratitilinn þar til í síðustu umferðinni þegar þau mætast í Víkinni sunnudaginn 27. október. Valur er í þriðja sæti með 39 stig, Stjarnan þar á eftir með 38 stig, ÍA er í 5. sæti með 34 stig og FH í því sjötta með 33 stig. Næsti leikur Skagamanna er á móti FH næsta sunnudag á Elkem vellinum og hefst klukkan 14.

Fréttaveita Vesturlands

Veik von um Evrópusæti hjá ÍA eftir tap gegn Stjörnunni