Vestnorden kaupstefnan er mikilvægasti vettvangur viðskipta í ferðaþjónustu á Norður – Atlantshafssvæðinu og er hún haldin annað hvert ár á Íslandi og hin árin til skiptis í Færeyjum eða á Grænlandi. Starfsfólk Markaðsstofu Vesturlands, auk fjögurra fyrirtækja frá Vesturlandi, heimsótti Þórshöfn í Færeyjum af þessu tilefni. Fyrirtækin fjögur voru Láki Tours, Hótel Varmaland, Hótel Hamar og Hótel Borgarnes.