Búið er að rita undir samninga fjarskiptasjóðs ríkisins við 25 sveitarfélög um að ljúka ljósleiðaravæðingu landsins fyrir árslok 2026. Af þessum 25 sveitarfélögum eru í þeim hópi Borgarbyggð, Grundarfjarðarbær, Reykhólahreppur, Snæfellsbær og Sveitarfélagið Stykkishólmur. Lengi hefur ríkt óvissa um hvort, og þá hvenær, mörg þúsund lögheimili í þéttbýli um land allt munu eiga kost á háhraðanetsambandi, sem er mikilvægt öryggismál og undirstaða nútíma búsetugæða. Með þessum samningum er sú óvissa ekki lengur fyrir hendi.