medium

large

thumbnail

1536x1536

2048x2048

small

custom-size

Íbúaþing um stefnumótun sóknaráætlunar var haldið í Hjálmakletti – myndasyrpa

Flestar vestlensku árnar að stórbæta sig miðað við síðasta ár

Hús tekur á sig mynd

Fjölmenni á bókakynningu tveggja höfunda

Fanntófell með fyrstu Svansvottuðu innréttinguna

Víðáttan og náttúran dró Tabeu til Íslands

core/paragraph

Árið 2019 kom upp sú hugmynd í Stykkishólmi að fólk sem væri komið af vinnumarkaði, myndi halda áfram að hreyfa sig. Gunnhildur Gunnarsdóttir og Sigríður Bjarney Guðnadóttir, íþróttafræðingar og kennarar, halda úti æfingum fyrir íbúa Stykkishólms og nágrennis tvisvar sinnum í hópatímum og tvisvar sinnum í líkamsræktarsal á viku. „Við bjuggum til æfingamyndband sem við sendum á alla þá sem voru á póstlista hjá okkur á meðan Covid gekk yfir en í fyrra voru um 50 manns skráðir hjá okkur,“ segir Gunnhildur þegar blaðamaður Skessuhorns tekur hana tali í íþróttahúsinu í Stykkishólmi.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/09/Heilsuefling-60-i-Stykkisholmi-2-1200x941.jpg" alt="" class="wp-image-82812" /><figcaption>Auður Bárðardóttir, María Guðmundsdóttir og Unnur Breiðfjörð Guðmundsdóttir.</figcaption></figure>

Fjölbreytt þjálfun

Framundan var æfing í hópatíma í íþróttasal og byrja iðkendur að tínast inn í íþróttahúsið. „Það mæta að meðaltali 20 á æfingu en við erum með um 40 manns skráða á lista. Fólk úr Hólminum og nærsveitum er duglegt að mæta og bjóðum við upp á fjölbreytta þjálfun,“ segir Gunnhildur. „Við leggjum áherslu á stöðvaþjálfun en þannig stýrir fólk álagi en fær samt sem áður aðhald og aðstoð. Við setjum upp nýja útfærslu á stöðvum í hverri viku þannig að það verður alltaf fjölbreytt hjá okkur en við vinnum mikið með þessa stóru vöðvahópa og það hefur tekist vel til,“ segir Gunnhildur.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/09/Heilsuefling-60-i-Stykkisholmi-3-1200x747.jpg" alt="" class="wp-image-82813" /><figcaption>Gunnar Svanlaugsson, Jónas Steinþórsson, Viðar Björnsson, Eyþór Benediktsson og Sigurþór Hjörleifsson.</figcaption></figure>

Margt í boði í Hólminum

Gunnhildur og Sigríður gera sjálfar mælingar á þátttakendum en mælingarnar eru göngupróf, gripstyrkur, boltakast og hnébeygjur. „Við vorum á tímabili með blóðþrýstingsmælingar en erum ekki að gera þær lengur. Tímasetningarnar á æfingum eru hugsaðar fyrir fólk sem er ekki að vinna og hefur sveigjanleika. Við erum með einstaklinga sem voru að hætta að vinna í bland við þá sem hafa verið hjá okkur síðan við byrjuðum og er það frábær blanda. Það er ofboðslega margt í boði fyrir þennan aldurshóp í Stykkishólmi og varla hægt að koma í veg fyrir að eitthvað stangist á. Þessir tímar virðast henta vel bæði fyrir iðkendur og þjálfara,“ segir Gunnhildur þegar stór hópur eldri íbúa Stykkishólms er kominn niður í sal íþróttahússins.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/09/Heilsuefling-60-i-Stykkisholmi-4-1200x634.jpg" alt="" class="wp-image-82814" /><figcaption>Upphitun fyrir æfingu.</figcaption></figure>

Félagsskapurinn er dásamlegur

Blaðamaður gengur inn í sal íþróttahússins og er faðmaður af Maríu Guðmundsdóttur eða Mæju hár. Mæja er aldursforseti í hópnum, 84 ára ung og hefur verið í heilsueflingar verkefninu frá upphafi. „Þessi félagsskapur er mikilvægur en hérna hittumst við og spjöllum um daginn og veginn,“ segir Mæja. Auður Bárðardóttir er 82 ára ung en hún segir að þetta sé ein af mögum verkefnum sem hún er þátttakandi í. „Hér eru prjónaklúbbar, öflugt kórastarf, sundhópar og margt fleira. Þannig að það er þétt dagskrá hjá okkur,“ segir Auður og taka Unnur Breiðfjörð Guðmundsdóttir og Mæja undir þau orð.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/09/Heilsuefling-60-i-Stykkisholmi-5-1200x999.jpg" alt="" class="wp-image-82815" /><figcaption>Þrepabraut var ein stöðin á æfingunni.</figcaption></figure>

Karlahópurinn fer stækkandi

Gunnhildur þjálfari nefnir að núna í september séu tíu karlmenn skráðir en 28 konur. „Karlmenn mættu vera duglegri að sækja sér hreyfingu. Þeim hefur samt fjölgað hjá okkur síðustu ár sem er frábært. Þetta er ekki síður mikilvægt fyrir þá eins og þær. Það virðist vera að konur séu duglegri að láta hreyfinguna ganga fyrir en vonandi náum við að fjölga enn meira í þessum hópi í ár,“ segir Gunnhildur.

Blaðamaður sér fyrir miðju gólfi íþróttahússins, kunnugleg andlit. Sigurþór Hjörleifsson tekur í höndina á blaðamanni og kreistir áður en faðmurinn býðst. Gunnar Svanlaugsson kemur þar næstur, grípur í hendina og spyr hvort að blaðamaður sé ekki í Snæfells-treyju innan undir! Jónas Steinþórsson spyr hvað í andsk.. blaðamaðurinn sé að gera hérna! Því ef hann hefði vitað um þessa heimsókn hefði hann farið í klippingu. Einnig voru þar mættir Eyþór Benediktsson og Viðar Björnsson. „Það er félagsskapurinn sem er svo skemmtilegur auk þess sem æfingarnar eru skemmtilegar,“ segja þeir félagarnir en þeir sögðu ýmislegt fleira sem ekki verður fært á prent.

Allur hópurinn byrjaði á því að hita upp undir stjórn Sigríðar, en síðan tóku við stöðvaæfingar þar sem fjörug tónlist var spiluð og mikið líf var hjá öllum þátttakendum.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/09/Heilsuefling-60-i-Stykkisholmi-6-1200x962.jpg" alt="" class="wp-image-82816" /><figcaption>Styrktaræfing fyrir hendur var ein stöðin á æfingunni.</figcaption></figure>

Fréttaveita Vesturlands

Heilsuefling 60+ í Stykkishólmi