Kynna meðal annars leiki til miðlunar miðaldasögunnar

Snorrastofa í Reykholti verður með hátíð tileinkaða Snorra Sturlusyni á laugardaginn í Reykholtskirkju. Þema þessa fyrsta Dags Snorra verður; „Snorri og Ritmenning íslenskra miðalda,“ en reiknað er með að viðburðurinn verði árlega héðan í frá. Dagurinn hefst kl. 13 með borðspilaviðburði í sýningarsal Snorrastofu, en sjálf dagskráin hefst síðan kl. 16.

Þau sem taka til máls í fyrri hluta hátíðardagskrárinnar kl. 16 verða Lilja D. Alfreðsdóttir menningar- og viðskiptaráðherra, Bergur Þorgeirsson forstöðumaður Snorrastofu og Gianluca Raccagni, James Holloway og Federico Mammarella, sem munu kynna hlutverk leikja við miðlun miðaldasögunnar og væntanlega gerð líkans af bæ Snorra Sturlusonar. Í kjölfarið koma síðan stuttir áhugaverðir fyrirlestrar Óskars Guðmundssonar, Torfa H. Tulinius, Gottskálks Þórs Jenssonar og Guðrúnar Nordals. Þorgeir Ólafsson, formaður stjórnar Snorrastofu, mun slíta samkomunni, en kynnir verður Geir Waage. Tónlist munu félagar úr Reykholtskórnum flytja undir stjórn Hólmfríðar Friðjónsdóttur.

Borðspilaviðburðurinn, sem ungir sem aldnir eru hvattir til að sækja, verður hins vegar haldinn í sýningarsal Snorrastofu og hefst sem fyrr segir kl. 13. Er sá viðburður haldinn í samvinnu við Game Lab við Edinborgarháskóla og bæjarstjórn ítalska bæjarins Gradara, en Snorrastofa gerði nýverið samstarfssamning við þennan merka miðaldabæ. Sagnfræðingurinn Gianluca Raccagni, lektor við Edinborgarháskóla, mun stýra þessum viðburði ásamt James Holloway, leikjahönnuði frá Cambridge, og Federico Mammarella, forstöðumanni upplýsingamiðstöðvar ferðamanna i Gradara. Allir velkomnir, aðgangur ókeypis

-fréttatilkynning

Dagur Snorra Sturlusonar er á laugardaginn

Kynna meðal annars leiki til miðlunar miðaldasögunnar

Kynna meðal annars leiki til miðlunar miðaldasögunnar