Guðlaugur Þór Þórðarson umhverfisráðherra hefur ritað undir stjórnunar- og verndaráætlun fyrir íslensku rjúpuna. Felur það í sér nýtt kerfi veiðistjórnunar þar sem landinu verður skipt í sex hluta og veiðistjórnunin gerð svæðisbundin. Einnig hafa verið þróuð ný stofnlíkön sem munu reikna út ákjósanlega lengd veiðitímabils á hverju svæði. Þetta er í fyrsta skipti sem slík áætlun er gefin út fyrir dýrastofn hér á landi.