medium

large

thumbnail

1536x1536

2048x2048

small

custom-size

Úthlutað úr Íþróttasjóði ríkisins

Bókasafninu lokað tímabundið

80´s kvöld í Bíóhöllinni á föstudaginn

Félagsmenn Visku sjá tækifæri til hagræðingar hjá hinu opinbera

Óvissa ríkir um rekstraraðila Baldurs

Straumlaust var í öllu Borgarnesi í morgun

core/paragraph

<p>Á fundi sveitarstjórnar Borgarbyggðar í gær var tekin fyrir tillaga frá meirihluta skipulags- og byggingarnefndar sem lagt hafði til að heimila að reist verði mælimastur á Grjóthálsi til rannsókna í aðdraganda þess að mögulega verði reist vindorkuver á hálsinum. Nefndin nýtti heimild í samþykktum um að vísa málinu til ákvörðunar sveitarstjórnar. Í bókun sem Sigrún Ólafsdóttir, fulltrúi meirihluta í sveitarstjórn, lagði fram á fundinum, segir m.a. að undir málinu liggi fjöldi umsagna og athugasemda og magn annarra gagna sem mikilvægt er að halda áfram að vinna úr. Þá hafi hópur íbúa í sveitarfélaginu fundað með fulltrúum í sveitarstjórn og komið á framfæri sjónarmiðum sínum. „Fulltrúar meirihluta í sveitarstjórn Borgarbyggðar leggja til að ákvörðun um tillögu skipulags- og byggingarnefndar verði frestað fram að næsta fundi sveitarstjórnar Borgarbyggðar til þess að gefa sveitarstjórnarfulltrúum svigrúm til að kynna sér betur þær forsendur og gögn sem varða málið.“ Tillagan var samþykkt með fimm atkvæðum, gegn tveimur en einn sat hjá.</p>

<p>Þá lögðu fulltrúar Sjalfstæðisflokksins og VG í sveitarstjórn til að ákvörðun um framlagt deiliskipulag, mælimastur á Grjóthálsi, verði frestað fram yfir staðfestingu nýs Aðalskipulags Borgarbyggðar. „Í greinargerð framkvæmdaraðila kemur fram að mælimastrið sé hluti af undirbúningi við reisingu vindorkuvers á Grjóthálsi. Núgildandi Aðalskipulag Borgarbyggðar heimilar ekki slíkar framkvæmdir. Sveitarstjórn hefur áður samþykkt á fundi sínum þann 10. júní 2021 að leyfa ekki skipulagsbreytingar á svæðinu fyrr en stefna stjórnvalda vegna vindorkunýtingar lægi fyrir og stefnumótun um málaflokkinn hefði farið fram innan Borgarbyggðar með tilheyrandi íbúasamráði. Sveitarstjórn heldur sig við fyrri ákvörðun um að gera ekki skipulagsbreytingar á umræddu svæði fyrr en stefnumótun, bæði Borgarbyggðar og ríkisins liggur fyrir í málaflokknum.“ Þessi tillaga var felld með jöfnum atkvæðum, þrír greiddu henni atkvæði, þrír voru á móti og tveir sátu hjá.</p>

Frestuðu ákvörðun um deiliskipulagsbreytingu á Grjóthálsi