Í vikunni sem leið fékk Von, félag til styrktar skjólstæðingum gjörgæsludeildar Landspítala í Fossvogi, afhentar 4,1 milljón króna að gjöf frá fjölskyldu, vinum, samstarfsmönnum Péturs Sigurðsson frá Akranesi, golfklúbbnum Leyni og öðrum velunnurum. Pétur lést á gjörgæslunni í Fossvogi í júní síðastliðnum í kjölfar vinnuslyss.

Söfnunin fór fram í gegnum hlaupahóp í nafni Péturs í Reykjavíkurmaraþoni 2024 ásamt söfnun á meistaramóti golfklúbbsins Leynis á Akranesi. „Von þakkar aðstandendum Péturs fyrir þennan ómetanlega styrk,“ segir í tilkynningu frá Von.