Jón Hjartarson hárskeri á Akranesi er 90 ára í dag, 9. september. Hann hefur nú í 75 ár samfleytt starfað sem rakari og kveðst hvergi nærri hættur. Þrátt fyrir tímamótin opnaði hann stofuna sína á slaginu klukkan 9 í morgun í kjallaranum á húsinu sínu við Kirkjubraut 30, en hann býr á efri hæðum þess ásamt eiginkonu sinni Brimrúnu Vilbergs. Veislu hélt hann á laugardaginn fyrir ættingja og vini í félagsheimilinu Æðarodda.