medium

thumbnail

small

custom-size

Evrópurútan kemur við á Akranesi á morgun, mánudag

large

1536x1536

2048x2048

Gjaldþrot Skagans 3X var ríflega 13 milljarðar króna

Úr sarpi: Notalegt að búa í samfélagi sem maður þekkir vel

Úr sarpi: Flest orkar tvímælis sem gert er

Fjölmenni skemmti sér á árlegu Sverrismóti – Myndasyrpa

Að hlaupa til ömmu og til baka var upphafið

core/paragraph

Síðdegis í gær var haldið upp á að 25 ár eru liðin frá því Símenntunarmiðstöðin á Vesturlandi, nú Símenntun, var stofnuð. Það var 19. febrúar árið 1999 sem 34 stofnaðilar; sveitarfélög, fyrirtæki og stofnanir á svæðinu, ákváðu að hrynda verkefninu úr vör. Af þessu tilefni var blásið til veislu í nýjum húsakynnum Símenntunar við Smiðjuvelli 18 á Akranesi. Höfuðstöðvar Símenntunar eru þó enn, líkt og í upphafi, við Bjarnarbraut 8 í Borgarnesi. Guðrún Vala Elísdóttir framkvæmdastjóri Símenntunar stýrði samkomunni og flutti ávarp. Fram kom hjá henni að á þessum 25 árum frá stofnun hafi mjög margt breyst og þróast. Markmiðið sé þó nú sem fyrr að starfsemi Símenntunar efli og styrki íslenskt atvinnulíf og samfélag með endur- og símenntun sem taki mið af þörfum atvinnulífs og einstaklinga hverju sinni. Skal stofnunin sérstaklega huga að þörfum íbúa á Vesturlandi.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/09/Aldarfjordungur-fra-thvi-Simenntun-Vesturlands-var-stofnud_2-1200x917.jpg" alt="" class="wp-image-82368"/><figcaption>Guðrún Vala fór yfir sögu Símenntunar, áherslur og starfið framundan.</figcaption></figure>

Haldið í sömu gildin

„Í nýlegri stefnumótunarvinnu var ákveðið að halda í gildin; sveigjanleika, fagmennsku og framsækni og höfum við þau til grundvallar í öllu okkar starfi,“ sagði Guðrún Vals. „Á tímum örra breytinga, þar sem tæknin þróast stöðugt og atvinnulífið kallar á nýja hæfni, eru þetta lykilatriði að árangri. Við leggjum okkur fram um að mæta þörfum fullorðinna nemenda, hvort sem það er með fræðslu, ráðgjöf eða raunfærnimati. Við bjóðum stolt upp á alls kyns námskeið, svo sem eftir vottuðum námsleiðum, nám fyrir fólk með fötlun, fyrir atvinnuleitendur, íslensku- og samfélagfræðslu fyrir fólk af erlendum uppruna og sérsniðið nám fyrir ákveðnar starfsgreinar. Við bjóðum upp á náms- og starfsráðgjöf fyrir fullorðið fólk, og þessi þjónusta er í örum vexti frá ári til árs. Raunfærnimat stendur til boða þeim sem eru 23 ára og eldri og hafa starfað við ákveðna starfsgrein í hið minnsta þrjú ár. Til dæmis er hægt að fara í raunfærnimat í búfræði, og erum við frumkvöðlar á því sviði í samstarfi við LBHÍ.“ Þá sagði hún að Símenntun sæi um að háskólanemendur og aðrir fjarnemar geti tekið próf í heimabyggð á sex stöðum á Vesturlandi, en þessum prófum hefur fjölgað mikið með hverju árinu. Símenntun tekur auk þess að sér hlutverk fræðslustjóra innan fyrirtækja, greinir menntunarþörf og gerir fræðsluáætlanir. Þátttaka er í innlendum og erlendum samstarfsverkefnum og nýverið fékk Símenntun vottun sem Erasmus+ stofnun.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/09/Aldarfjordungur-fra-thvi-Simenntun-Vesturlands-var-stofnud_3-1-1200x900.jpg" alt="" class="wp-image-82373"/><figcaption>Hluti gesta þegar 25 ára afmælinu var fagnað.</figcaption></figure>

Námskeið taki mið af nýjum íbúum

Guðrún Vala sagði að stofnunin hafi notið velvildar og velgengni innan og utan héraðs og fengið styrki af sóknaráætlun til að hrinda nokkrum verkefnum í framkvæmd, svo sem Velferðarskóla Vesturlands sem er heiti yfir fræðslu fyrir fólk í umönnunarstörfum og svo Fjölmenningarskóla Vesturlands sem heiti yfir þau áríðandi verkefni sem tengjast fjölmenningu á svæðinu. Að auki fékkst styrkur úr Þróunarsjóði innflytjendamála og gat Símenntun þá ráðið fjölmenningarfulltrúa í fast starf til að fylgja eftir verkefnum. „Við erum með ýmislegt á prjónunum hvað varðar inngildingu og valdeflingu, aukna borgaravitund og fleira. Við erum að bjóða upp á námskeið í fjömenningarfærni, nýlega héldum við námskeið um skólaþróun og fjölmenningu fyrir skólastjórnendur og í maí var átak sem við köllum „hér er töluð allskonar íslenska“ til þess að vekja athygli á því að íslenska með hreimi, eða ófullkomin íslenska, er góð og gild í samskiptum, þannig að fólk af erlendum uppruna fái tækifæri til þess að tala íslensku við okkur. Við skulum ekki gleyma því að þau sem tala með hreimi eru hugrökk, þau eru fólkið sem er að takast á við líf í nýju landi og alls konar nýjar áskoranir,“ sagði Guðrún Vala.

Fyrrverandi framkvæmdastjórum Símenntunar voru við þetta tækifæri færð blóm og þakkir fyrir þeirra framlag. Fyrsti framkvæmdastjórinn var Björg Árnadóttir, þá kom Inga Sigurðardóttir og loks Inga Dóra Halldórsdóttir, en Guðrún Vala er fjórði framkvæmdastjórinn.

Að loknu erindi Guðrúnar Völu ávarpaði Guðmundur Ingi Guðbrandsson ráðherra velferðarmála gesti. Fór hann í stuttu máli yfir þau verkefni sem undir ráðuneyti hans falla. Ekki síst málefni örorkuþega og innflytjenda. Loks var boðið upp á veitingar og tónlistaratriði flutt.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/09/Aldarfjordungur-fra-thvi-Simenntun-Vesturlands-var-stofnud_4-1200x900.jpg" alt="" class="wp-image-82370"/><figcaption>Guðmundur Ingi Guðbrandsson flutti ávarp.</figcaption></figure>

Fréttaveita Vesturlands

Aldarfjórðungur frá því Símenntun Vesturlands var stofnuð