medium

large

thumbnail

1536x1536

2048x2048

small

custom-size

Annar köttur dauður úr fuglainflúensu

Ræddu fyrirkomulag rekstrar tjaldsvæða

Breytingar á sjúkratryggingu tóku gildi um áramótin

Guðmundur SH 235 kominn til heimahafnar

Alexandra Björg er íþróttamaður Grundarfjarðar 2024

Asahláka og hvassviðri í nótt

core/paragraph

Skagamaðurinn og hinn næstum fimmtugi Hjörtur Júlíus Hjartarson fór á dögunum holu í höggi á Garðavelli á Akranesi. Hjörtur, sem er félagsmaður í Golfklúbbnum Leyni, náði draumahögginu á þriðju holu vallarins og er þar með orðinn félagi í Einherjaklúbbi Íslands.

Hjörtur er þriðji kylfingurinn sem fer holu í höggi á Garðavelli í sumar. Sveinbjörn Rögnvaldsson, sem er fæddur árið 1968, fór holu í höggi á 18. holu þann 18. júní og var það í annað skiptið sem hann náði þeim áfanga en Svenni fór holu í höggi á 3. holu á Garðavelli árið 2021. Matthías Þorsteinsson, fæddur 1952, gerði sér síðan lítið fyrir og sló holu í höggi af þriðja teig í lok júlí og notaði níu járn til verksins.

Þá verður að nefna það að í byrjun júlí fékk hin 15 ára Viktoría Vala Hrafnsdóttir svokallaðan Albatross í Landsbankamótaröðinni þegar hún lék fjórðu braut á Garðavelli á þremur undir pari. Slíkt er aðeins mögulegt á brautum sem eru par 4 eða par 5 og er afar sjaldgæft í golfi, rétt eins og samnefndur fugl. Fjórða brautin á Garðavelli er 359 metra löng af rauðum teig og er par 5. Eftir frábært 210 metra upphafshögg átti hún tæpa 140 metra eftir sem hún sló með sex járni í nokkrum mótvindi og þaðan fór boltinn í holuna.  Alveg magnað afrek hjá Viktoríu Völu enda eru líkurnar á því að fá Albatross einn á móti sex milljónum.

Hjörtur fór holu í höggi á Garðavelli