Aðalfundur Vesturlandsdeildar FKA verður haldinn í dag, fimmtudaginn 12. september klukkan 18, í Landnámssetrinu í Borgarnesi. FKA er félag fyrir konur sem eru ýmist stjórnendur, leiðtogar og/eða starfsmenn í íslensku atvinnulífi. Félagið vinnur með aðilum á vinnumarkaði; fyrirtækjum, félagasamtökum og hinu opinbera að því að efla og benda á þátt kvenna í stjórnum eða stjórnunarstöðum í atvinnulífinu. Einkunnarorðin eru tengslanet, hreyfiafl og sýnileiki. Félagið stendur fyrir viðburðum, fræðslu, veitir ráðgjöf og knýr fram breytingar á lögum og venjum til að gæta jafnvægis og fjölbreytileika innan atvinnulífsins. Félagið var stofnað árið 1999.