medium

large

thumbnail

1536x1536

small

custom-size

Skoðanamunur í hreppsnefnd Skorradalshrepps

Kosningaaldur verði 16 ár og kjörstjórn skipuð

2048x2048

Skemmtu sér vel á pæjumóti

Landinn kaupir byggingavörur á netinu

Blessuð sértu sveitin mín í hesthúsinu í Bakkakoti

Þrjú lögregluembætti samtímis í húsleitum

core/paragraph

Lið ÍA og Breiðabliks mættust í 20. umferð Bestu deildar karla í knattspyrnu í gær og voru aðstæður til knattspyrnuiðkunar á Akranesi með ágætum, völlurinn í góðu standi og veðrið bara fínt. Þetta byrjaði fjörlega því fyrsta færi leiksins kom strax á upphafsmínútunni þegar boltinn datt fyrir Hinrik Harðarson en markvörður Breiðabliks, Anton Ari Einarsson, varði vel skot hans. Anton Ari var síðan aftur vel á varðbergi skömmu síðar þegar hann varði frá Inga Þór Sigurðssyni í teignum og heimamenn óheppnir að vera ekki komnir yfir í leiknum. Það var talsverður hraði og gott tempó í fyrri hálfleiknum án þess að liðin næðu að skapa sér einhver dauðafæri. Eftir hálftíma leik og hornspyrnu flikkaði Ísak Snær Þorvaldsson boltanum sem fór í fjærstöngina á marki ÍA áður en Viktor Jónsson hreinsaði boltann af marklínunni. Á síðustu mínútunni vildu Blikar svo fá víti þegar Árni Marinó Einarsson markvörður ÍA kýldi boltann frá marki og fór aðeins í höfuð Ísaks Snæs í leiðinni en dómari leiksins veifaði leik áfram og staðan markalaus í hálfleik.

Eftir tíu mínútna leik í seinni hálfleik átti Hinrik góðan skalla í nærhornið en Anton Ari var vel á verði og sló boltann frá en Skagamenn héldu pressunni áfram og uppskáru mark á 63. mínútu. Johannes Vall komst fram hjá tveimur leikmönnum gestanna á vinstri kantinum og átti frábæra fyrirgjöf á fjær þar sem Hlynur Sævar Jónsson var mættur og skallaði boltann í netið. Eftir markið þéttu heimamenn raðirnar og Blikarnir áttu erfitt með að brjóta varnarmúr ÍA niður en það tókst átta mínútum fyrir leikslok. Aron Bjarnason átti þá fyrirgjöf fyrir markið og Kristófer Ingi Kristinsson komst fram fyrir varnarmann ÍA og kom boltanum í netið. Á fjórðu mínútu í uppbótartíma og þegar allt leit út fyrir jafntefli hrökk boltinn fyrir fætur Hilmars Elís Hilmarssonar sem ætlaði að hreinsa knöttinn frá en Ísak Snær var á milli og vítaspyrna dæmd. Úr henni skoraði Höskuldur Gunnlaugsson af öryggi og tryggði gestunum dýrmæt þrjú stig í toppbaráttunni á meðan Skagamenn misstu af stigi eða stigum í Evrópubaráttu. Lokatölur 1-2 fyrir Breiðablik og erfitt að segja hvort það hafi endilega verið sanngjörn úrslit.

Jón Þór Hauksson þjálfari ÍA sagði í viðtali eftir leik að það hefði verið hrikalega svekkjandi að fá ekkert út úr leiknum. „Mér fannst við með góð tök á leiknum og spila í 70 mínútur virkilega vel. Við hefðum getað skorað nokkrum sinnum í upphafi leiks og gerum svo hrikalega vel að komast yfir. Eftir það fannst mér við missa öll tök á því sem við vorum búnir að vera að gera vel og Blikarnir nýttu sér það frábærlega.“

Með sigrinum náði Breiðablik efsta sætinu á kostnað Víkings og er með 43 stig eða þremur stigum meira en Víkingur sem á frestaðan leik inni gegn KR á útivelli. Valur er í þriðja sæti með 35 stig, FH í fjórða sæti með 32 stig, ÍA í því fimmta með 31 stig og KA er með 27 stig í sjötta sæti.

Næsti leikur Skagamanna er gegn KR næsta sunnudag á Meistaravöllum í Frostaskjólinu og hefst klukkan 17.

Fréttaveita Vesturlands

Grátlegt tap ÍA gegn Blikum