Ný skýrsla Háskólans á Akureyri og Vörðu, rannsóknastofnunar vinnumarkaðarins, ber heitið Ójöfnuður meðal kvenna í íslensku samfélagi, niðurstöður spurningakönnunar meðal kvenna á Íslandi. Í samantekt á helstu niðurstöðum kemur fram að fjárhagsstaða kvenna er mismunandi eftir því hvaða stétt þær tilheyra. Traust til opinberrar þjónustu er ólíkt eftir menntun, tekjum og stétt og byrði vegna umönnunar barna og heimilis er meiri meðal kvenna með lág laun og grunnskólamenntun.