Sveitarfélögin á Vesturlandi hafa öll samþykkt að veita nemendum grunnskóladeildar hvers sveitarfélags gjaldfrjálsar máltíðir á væntanlegu skólaári. Fyrr í sumar samþykkti Alþingi frumvarp innviðaráðherra um breytingu á lögum um tekjustofna sveitarfélaga sem heimilar Jöfnunarsjóði sveitarfélaga að greiða framlög til sveitarfélaga sem bjóða upp á skólamáltíðir. Gjaldfrjálsar skólamáltíðir eru liður í aðgerðum stjórnvalda til að styðja við nýgerða langtímakjarasamninga á vinnumarkaði.