medium

large

thumbnail

1536x1536

2048x2048

small

custom-size

Gleði einkenndi Símamótið í Kópavogi

Jonas Gemmer nýr liðsmaður ÍA

Víkingar vann sinn leik en Kári tapaði

Samþykkti uppsetningu búnaðar til veðurmælinga vegna vindorkuvera

Vestfjarðavegi við Haukadalsá í Dölum lokað í sólarhring

Riddarar kærleikans eru á kærleikshringferð um landið

core/paragraph

Guðrún Hildur Hauksdóttir og Björgvin Fjeldsted í Borgarnesi áttu von á tvíburum nú í vor. Við fæðinguna kom í ljós að dóttir þeirra, Ylfa Dís, var ekki með hjartslátt og úrskurðuð látin. Ísar Leó sonur þeirra er aftur á móti við góða heilsu, sprækur strákur. Nú hafa um 50 vinir og vandamenn fjölskyldu þeirra Guðrúnar og Björgvins ákveðið að hlaupa í Reykjavíkurmaraþoni Íslandsbanka næstkomandi laugardag og stofnaður var hlaupahópur sem hleypur í þágu Gleym-mér-ei styrktarfélags, til heiðurs minningu Ylfu Dísar. Félagið Gleym-mér-ei styður við foreldra og fjölskyldur sem hafa upplifað missi á meðgöngu og í eða eftir fæðingu. Nú í þessum skrifuðu orðum er áheita upphæðin komin upp í tæpar 1,7 milljón króna og segir Guðrún það merki um mikinn stuðning úr samfélaginu. „Við finnum fyrir miklum stuðningi hér. Til dæmis var ég að ganga með Ísar á Borgarbrautinni og þá var kona hinum megin við götuna sem kallar á mig og þverar götuna og faðmar mig. Mér finnst þetta einkenna svona lítið bæjarfélag eins og við búum í,“ segir Guðrún Hildur í samtali við blaðamann.

Hlaupahópurinn var hugmynd frá félaga þeirra í lögreglunni. „Birta J. Jónasdóttir hafði samband við mig og sagðist vilja gera eitthvað fyrir okkur. Hún stofnaði þennan hóp sem telur 88 meðlimi á Facebook og hefur hún haldið utan um allt saman. Mér finnst þetta frábært að það sé verið að tala um Ylfu og nefna hana á nafn og það hlýjar mér í hjartanu hversu margir ætla að hlaupa til góðs næstkomandi laugardag,“ nefnir Guðrún.

Gleym-mér-ei styrktarfélag var stofnað árið 2013 af þremur konum sem allar höfðu gengið í gegnum missi á meðgöngu og í eða eftir fæðingu. En hvernig kom félagið að stuðningi við fjölskyldu Guðrúnar? „Ljósmóðir kom með minningarkassa frá Gleym-mér-ei en í kassanum var að finna ýmislegt til að varðveita minningu hennar Ylfu ásamt ýmsum bæklingum um missi á meðgöngu. Einnig er hægt að skoða á heimasíðu þeirra ýmis myndbönd frá foreldrum sem hafa gengið í gegnum svipað ferli og við. Okkur var ráðlagt að skoða þessi myndbönd eftir ákveðinn tíma og ég er aðeins byrjuð að skoða þessi myndbönd og finnst þau mjög hjálpsöm,“ segir Guðrún. Nú bætist Björgvin í spjallið, nýkominn af vakt hjá Lögreglunni á Vesturlandi. Hægt er að skoða heimasíðu Gleym-mér-ei, <a href="https://gme.is/">https://gme.is/</a>

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/08/Borgnesingar-hlaupa-til-styrktar-Gleym-mer-ei-styrktarfelagi_2-1200x900.jpg" alt="" class="wp-image-81669"/><figcaption>Hér er Ísar Leó í heimsókn hjá föður sínum Björgvini á lögreglustöðinni í Borgarnesi.</figcaption></figure>

Björgvin nefnir að þó svo að þeim hafi boðist að heimsækja sálfræðing, þá er baklandið þeirra sterkt og það hafi hjálpað þeim mikið. „Við fengum eiginlega allt okkar fólk í heimsókn fljótlega,“ segir Björgvin. Móðir Björgvins hafi flogið heim frá Spáni um leið en einnig hafi móðir Guðrúnar komið og gist í næsta herbergi með elsta barn þeirra. „Mamma var komin í næsta herbergi á sjúkrahótelinu og það var mjög mikilvægt að Íris, elsta barnið okkar, hafi getað vinkað okkur góða nótt og náð að hitta og kveðja Ylfu. Okkar nánasta fjölskylda náði eiginlega öll að koma, hitta Ylfu og kveðja hana,“ segir Guðrún. Björgvin nefnir að þau tali ótrúlega opinskátt um Ylfu og missir þeirra. „Þegar maður er búinn að vera að segja frá þessum missi, þá koma hinir og þessir með svipaðar sögur. Þessi félagsstuðningur er svo gríðarlega mikilvægur og ég held að svona umræða og stuðningur hafi ekki verið hér áður fyrr,“ nefnir Björgvin og bætir við: „Það munar rosalega um að koma með hann Ísar heim. Ef við hefðum komið með ekkert barn heim, held ég að þetta væri töluvert erfiðara,“ nefnir hann. Guðrún segist í lokin vera þakklát samfélaginu í Borgarnesi. „Séra Heiðrún Helga hefur verið okkur mikilvæg en einnig þær Gréta Björgvinsdóttir, fyrrum nágranni okkar og Guðný Bjarnadóttir, djákni hér í Borgarnesi. Við eigum þrjú börn, þó svo að Ylfa sé uppi í himnaríki, þá er hún hluti af okkar fjölskyldu,“ segir Guðrún að lokum.

Hægt er að skoða og heita á meðlimi hlaupahópsins hér: <a href="https://www.rmi.is/hlaupastyrkur/hlaupahopar/11579-hlaupahopur-ylfu-disar">https://www.rmi.is/hlaupastyrkur/hlaupahopar/11579-hlaupahopur-ylfu-disar</a>

Fréttaveita Vesturlands

Borgnesingar hlaupa til styrktar Gleym-mér-ei styrktarfélagi