medium

large

thumbnail

1536x1536

2048x2048

small

custom-size

Ú sarpi: Notalegt að búa í samfélagi sem maður þekkir vel

Úr sarpi: Flest orkar tvímælis sem gert er

Fjölmenni skemmti sér á árlegu Sverrismóti – Myndasyrpa

Að hlaupa til ömmu og til baka var upphafið

Leggja til stórfelldar breytingar á Jaðarsbakkasvæðinu

Helstu seglar Vesturlands kynntir

core/paragraph

Söfnin í Dölum og á Ströndum hafa undanfarin ár staðið saman að svokölluðum söguröltum yfir sumartímann. Eitt slíkt verður í kvöld miðvikudaginn 31. júlí kl. 19. Farið verður frá þjóðveginum eftir vegslóða fram með Ósá (rétt norðan Hólmavíkur) að Svartafljóti. Leiðin er því sem næst á jafnsléttu 2,5 km, fram og til baka. Sögumaður er Jón Jónsson þjóðfræðingur.

Söguröltin einkennast af því að gönguleiðin er oftast stutt og fremur auðveld, en áhersla lögð á sögur og fróðleik. Enginn aðgangseyrir er í þau og eru öll hjartanlega velkomin.

Það eru Byggðasafn Dalamanna, Sauðfjársetur á Ströndum, Héraðsskjalasafn Dalasýslu, Náttúrubarnaskólinn og Þjóðfræðistofa á Hólmavík sem standa fyrir söguröltunum. Þau tóku sig saman um þetta verkefni 2018, en höfðu áður staðið fyrir svipuðum gönguferðum sitt í hvoru lagi.

Í sumar hefur verið farið í fjórar gönguferðir og það er sú fimmta sem er á dagskrá í kvöld. Aftökustaðurinn Lákaklettur við Steingrímsfjörð hefur verið heimsóttur, farið í listaverkagöngu í tengslum við Náttúrubarnahátíð, gengið af Þröskuldum yfir að Bæjardalsheiði og síðast var Belgsdalur og Kiðhólsrétt í Saurbæ heimsótt.

Ljósmynd (aðsend): Sögurölt var að aftökustaðnum Lákakletti í landi Kirkjubóls við Steingrímsfjörð í vor og hugsanleg dys Láka (sem er nýfundin) þar í grennd skoðuð. Hér segir Jón Jónsson fólki frá sögu staðarins.

Fréttaveita Vesturlands

Sögurölt í Ósdal í kvöld