medium

large

thumbnail

1536x1536

2048x2048

small

custom-size

„Ég er svo spennt að fá heilsuna aftur“

Skagamenn með sterkan sigur á Sindra í toppbaráttunni

Félagsmiðstöðin Arnardalur fagnar 45 ára afmæli

Fundað um fjarskiptasamband nærri jarðhræringunum

Þriðji leikhluti banabiti Skallagríms

Aldís Ylfa ráðin til KSÍ

core/paragraph

Pósthlaupið fór fram í þriðja sinn í Dölunum laugardaginn 27. júlí og að sögn skipuleggjenda &nbsp;hjá Íslandspósti var metþátttaka að þessu sinni. Pósthlaupið er 50 km utanvegahlaup frá Hrútafirði yfir í Búðardal, það er gömul landpóstaleið með um 600 metra hækkun. Í boði er einnig að hlaupa hálfa leið, um 26 km eða síðasta spölinn í Búðardal, 7 km.

Vel var tekið á móti hlaupurum, fjölskyldum þeirra og félögum í Búðardal. Póststubburinn vakti lukku en það er stutt hlaupaleið inni í bænum sem boðið er upp á fyrir yngstu kynslóðina. Börn og fylgifiskar komu rjóð og kát í mark og skreyttu sig með Póstbuffi að hlaupi loknu og þáðu ís frá Erpsstöðum.

Sex þátttakendur hlupu hina gömlu landpóstaleið frá Bálkastöðum í Hrútafirði alla leið yfir í Búðardal, eða 50 km leið. Felix Starker bar sigur þar úr býtum, hljóp kílómetrana 50 á 03:51:05. Hlaupararnir Guðmundur Kári Þorgrímsson og Jósep Magnússon röðuðu sér í annað og þriðja sætið.

Sextíu og tveir tóku þátt í 26 km hlaupi frá Kirkjufellsrétt. Sigurvegarar voru Jörundur Frímann Jónasson og Margrét Sól Torfadóttir sem hlupu á tímanum 01:41:18 og 02:19:04. Hallgrímur Þorsteinsson og Daníel Snær Eyþórsson vermdu annað og þriðja sætið í karlaflokki og Borghildur Valgeirsdóttir og Daldís Ýr Guðmundsdóttir í flokki kvenna.

Hlaupaleiðin frá flugvellinum á Kambsnesi í Búðardal er 7 km löng. Þær Embla Kristín Guðmundsdóttir, Þórhildur Ólöf Helgadóttir og Hildur Sif Jónsdóttir komust á pall í kvennaflokki. Besta tímanum náði Embla Kristín sem hljóp á 40 mínútum og 46 sekúndum. Í karlaflokki voru þeir Daniel Brooks, Tom Franco og Ragnar Ægir Pétursson fyrstir. Gullið fékk Daniel sem hljóp á 32 mínútum og 13 sekúndum.

Það er mál manna að vel hafi tekist til og að náttúrufegurðin í Haukadalnum svíki engan. Þátttökugjald rann óskipt til björgunarsveitarinnar og ungmennafélagsins á staðnum, Björgunarsveitarinnar Óskar og Ungmennafélagsins Ólafs pá í Búðardal.

Ljósmynd aðsend: Stemning og gleði ríkti í hlaupinu.

Fréttaveita Vesturlands

Góð þátttaka var í Pósthlaupinu