F.v. Kristján Guðmundsson umsjónarmaður sjóðsins, Aðalsteinn Jósepsson formaður sóknarnefndar, séra Laufey Brá Jónsdóttir sóknarprestur, Ragnheiður Þórarinsdóttir, Guðni E. Hallgrímsson, Anna Júlía Skúladóttir starfsmaður Fellaskjóls, Patricia Laugesen forstöðumaður Fellaskjóls og Jóhanna Björk Hallbergsdóttir fomaður Kvenfélagsins Gleym mér ei. Ljósm. tfk
Styrktar- og minningarsjóður Þorkels og Kristínar leystur upp
Miðvikudaginn 17. júlí var síðasti stjórnarfundur í Styrktar- og minningarsjóði Þorkels og Kristínar haldinn á Dvalarheimilinu Fellaskjóli í Grundarfirði. Styrktarsjóðurinn var stofnaður í minningu Þorkels J. Sigurðssonar og Kristínar Kristjánsdóttur sem voru búsett í Grundarfirði á síðustu öld. Það var ákvörðun Þorkels, þegar sjóðurinn var stofnaður, að útdeila vöxtum einu sinni á ári á milli Grundarfjarðarkirkju og annarra verðugra verkefna. Fyrst var útdeilt úr honum árið 1994 og var það svo gert einu sinni á ári í kringum jólahátíðina.