Síðasta vika hefur verið viðburðarík í laxveiðinni. Eftir miklar sveiflur í veðurfari rofaði til eftir miklar rigningar um miðjan mánuðinn og laxinn naut góðs af því. Samkvæmt Landssambandi veiðifélaga á angling.is var staðan sú síðastliðinn miðvikudagur að Þverá og Kjarará tróna á toppi íslensku ánna með 847 laxa veiði. Norðurá fylgir fast á eftir í öðru sæti með 693 laxa. Þjórsá, Miðfjarðaraár og Ytri Rangá koma í sætunum þar á eftir með 731, 474 og 448 laxa veiði. Langá Mýrum hafði gefið 304 laxa, Laxá í Kjós 265 og nafna hennar í Leirársveit 260, litlu meira en Haffjarðará sem stóð í 256 löxum um miðja síðustu viku. Þessi vika verður án efa spennandi því stórstreymt var í gær, þriðjudag, og veðurspáin hagstæð fyrir veiðimenn og skilyrðin í ánum. Við tökum nú stöðuna í nokkrum veiðiám miðað við síðustu helgi.