Víða er starfsfólk Vegagerðarinnar að finna í Dalabyggð um þessar mundir. Verið er að gera hið besta úr erfiðri stöðu en hluti vegarins frá Fellsenda og að Erpsstöðum í Miðdölum var tættur í spað snemma vors og malarvegurinn „endurheimtur.“ Því þurfa vegfarendur að sætta sig við lækkaðan hraða og aka þennan kafla á 30-50 km/klst vegna óslétts yfirborðs en einnig vegna ræsa- og vegavinnu sem í gangi er. Starfsmenn Vegagerðarinnar voru einnig að setja í holur á vegi inn í Miðdölum.