medium

large

thumbnail

1536x1536

2048x2048

small

custom-size

Hittu nemendur í fjölmiðlanámi við HÍ

Bjarni Jónsson alþingismaður segir skilið við VG

Auður Kjartansdóttir býður sig fram í þriðja sæti hjá Sjálfstæðisfólki

Brynjar gerir tveggja ára samning við Víking

Tíu nýir þjálfarar í yngri flokkum hjá ÍA

Tók upp myndbönd við aksturinn

core/paragraph

Á vef mbl.is var í gær birt bráðgóð myndskreytt frásögn af heyönnum á Árbæjarsafni í útjaðri Reykjavíkur síðastliðinn sunnudag. Í fréttinni er sagt frá því að ungir sem aldnir hafi fengið tækifæri til að taka þátt í heyönnum eins og þær tíðkuðust fyrir daga heyvinnuvéla. Fram kemur að ungviðið hafi virst taka vel í að fara nokkra tugi ára aftur í tímann hvað verklag varðar og hafi verið áhugasamt um þau tök sem gáfust svo vel á árum áður. Þá var Ólafur Árdal ljósmyndari mbl.is á svæðinu og náði skemmtilegum myndum af því sem fram fór.

Á meðfylgjandi mynd er fólk að ræða saman. Maðurinn sem heldur á ljánum er Brandur Fróði Einarsson sem lengst af ævi sinni bjó á Akranesi en var uppalinn í Runnum í Reykholtsdal, fæddur 21. október 1931. Það er hins vegar er rannsóknarefni út af fyrir sig hvernig Ólafur Árdal náði svona ljómandi góðri mynd af Fróða í ljósi þess að hann dó á jóladag árið 2022. Börn hans velta því nú fyrir sér hvort faðir þeirra hafi átt tvífara, en segjast á Facebook harma að hafa ekki farið á Árbæjarsafnið á sunnudaginn til að hitta föður sinn að máli. En án gríns þá hafa væntanlega orðið hér mannleg mistök og röng „filma“ verið notuð með myndskreytingu fréttarinnar, í það minnsta í þessu tilfelli.

<a href="https://www.mbl.is/frettir/innlent/2024/07/22/myndir_hlustad_a_manninn_med_ljainn/?fbclid=IwZXh0bgNhZW0CMTEAAR0t8yVqeR7MpH24l3p70V2qI0G0vWy4TPqkznh3UBtTup-_bvLCMAqzLAM_aem_hBeMfZ2oXeeSa64zA9qF9Q">Sjá nánar á mbl.is</a>

Maðurinn með ljáinn var mættur í Árbæjarsafn