medium

large

thumbnail

1536x1536

2048x2048

small

custom-size

Úr sarpi: „Lít mjög stoltur til baka á ferilinn minn“

Úr sarpi: Svona er ég

Aldarfjórðungur frá því Símenntun Vesturlands var stofnuð

Nemendur í Heiðarskóla fóru í haustferð

Grenndarstöðvum komið fyrir í Snæfellsbæ

Nýjar gangbrautir og göngustígar við Innnesveg

core/paragraph

Það var toppslagur á Ólafsvíkurvelli í gær í 2. deildinni þegar Austfjarðarliðið KFA, sem var í öðru særi deildarinnar, mætti Víkingi sem var fyrir leikinn í þriðja sætinu, tveimur stigum á eftir KFA. Leikar fóru þannig að Víkingur sigraði 2:0 og endurheimti þar með annað sætið í deildinni.

Austfirðingarnir byrjuðu betur í leiknum og áttu stangarskot á upphafsmínútum leiksins. En Víkingur svaraði fyrir sig og náðu forystunni í leiknum á 20. mínútu þegar Björn Axel Guðjónsson skoraði með skoti í nærhornið úr vítateignum. Staðan 1:0 í hálfleik.

KFA freistaði þess að jafna leikinn í síðari hálfleik og sótti heldur meira, en Víkingur ógnaði með hættulegum skyndisóknum og tvöfölduðu forystuna úr einni slíkri á 59. mínútu. Þá fékk KFA hornspyrnu sem Víkingar náðu að hreinsa frá og komst í kjölfarið í góða skyndisókn og Björn Axel komst inn í vítateiginn og renndi boltanum á Eyþór Örn Eyþórsson sem skoraði af öryggi. Þar með tryggðu heimamenn mikilvægan sigur. Lokastaðan 2:0.

Með sigrinum komst Víkingur upp í annað sætið með 26 stig, stigi á undan KFA, en Selfoss er áfram á toppi deildarinnar með 29 stig, og á leik inni.

Næsti leikur Víkings er gegn Þrótti frá Vogunum og fer hann fram á Vogaídýfuvellinum í Vogum nk. kl. 19:15.

Fréttaveita Vesturlands

Víkingur vann toppslaginn