medium

large

thumbnail

1536x1536

2048x2048

small

custom-size

Úr sarpi: Flest orkar tvímælis sem gert er

Fjölmenni skemmti sér á árlegu Sverrismóti – Myndasyrpa

Að hlaupa til ömmu og til baka var upphafið

Leggja til stórfelldar breytingar á Jaðarsbakkasvæðinu

Helstu seglar Vesturlands kynntir

Hnúfubak komið til bjargar í Steingrímsfirði

core/paragraph

Skallagrímur hélt til Vestmannaeyja í gær og spilaði þar gegn liði KFS, í 4. deild karla í knattspyrnu. Í fyrri leik liðanna í maí fóru Skallagrímsmenn með sigur af hólmi en bæði lið voru fyrir leikinn á sunnudaginn með sjö stig, í áttunda og níunda sæti deildarinnar. Því var þetta gríðarlega mikilvægur leikur fyrir bæði liðin.

Ánægjulegt var að sjá að Elís Dofri Gylfason var aftur kominn í byrjunarlið Skallagríms en hann hefur verið að glíma við meiðsli í sumar. KFS menn hófu leikinn af miklum ákafa og náðu þeir að skora fyrsta mark leiksins á 12. mínútu þegar Óskar Elías Zoega Óskarsson skoraði fyrir heimamenn. Virtust gestirnir frá Borgarnesi nokkuð slegnir út af laginu við þetta mark og stuttu síðar eða á 18. mínútu bætti Jóhann Ingi Þórðarson öðru marki við fyrir heimamenn og staðan því 2-0. Skallagrímur náðu að þétta sinn leik og sýndu á köflum góða spilamennsku en þeir náðu ekki að setja boltann inn í mark KFS. Staðan 2-0 í hálfleik fyrir KFS.

Skallagrímsmenn byrjuðu seinni hálfleik af krafti og reyndu að spila sig í gegnum varnir heimamanna en KFS menn náðu góðri skyndisókn á 59. mínútu sem endaði með því að Andri Erlingsson kom heimamönnum í 3-0. Heimamenn héldu áfram að þjarma að Skallagrími eftir markið og náðu flottri sókn á 78. mínútu sem endaði með því að Víðir Þorvarðarson kom heimamönnum í 4-0 og þar við sat.

Skallagrímur er í 9. sæti deildarinnar með sjö stig eftir 12 leiki en næsti leikur liðsins verður gegn Hamri mánudaginn 29. júlí og hefst hann klukkan 19.15.

Fréttaveita Vesturlands

Skallagrímur sótti ekki stig til Eyja