medium

large

thumbnail

1536x1536

2048x2048

small

custom-size

Úr sarpi: „Lít mjög stoltur til baka á ferilinn minn“

Úr sarpi: Svona er ég

Aldarfjórðungur frá því Símenntun Vesturlands var stofnuð

Nemendur í Heiðarskóla fóru í haustferð

Grenndarstöðvum komið fyrir í Snæfellsbæ

Nýjar gangbrautir og göngustígar við Innnesveg

core/paragraph

Reynir frá Hellissandi tók á móti Stokkseyri í B-riðli 5. deildar karla í knattspyrnu í gær. Leikið var á Ólafsvíkurvelli en búast mátti við spennandi og fjörugum leik en fyrri leikur liðana í lok júní lauk með 7-3 sigri Stokkseyrar.

Heimamenn sýndu lipra takta í byrjun leiks en á meðan vörðust gestirnir frá Stokkseyri með kjafti og klóm. Nokkuð rólegt var hjá dómara leiksins og náði leikurinn góðu flæði hjá báðum liðum. Það fór svo að draga til tíðinda á 38. mínútu leiksins. Björn Óli Snorrason kom þá heimamönnum í 1-0 og mikill fögnuður braust út meðal áhorfenda. Heimamenn náðu að hindra alla sóknartilburði gestanna og fóru liðin inn í hálfleik í stöðunni 1-0 fyrir Reyni.

Strax í seinni hálfleik voru komin meiri læti og harka í leikinn. Nokkur gul spjöld voru dregin á loft og náðu gestirnir frá Stokkseyri góðri sókn á 67. mínútu, þegar Sindri Þór Arnarson jafnaði metin fyrir gestina. Bæði lið tók áhættu til að knýja fram sigur og var æsingurinn orðinn töluverður undir lok leiksins. Tveir leikmenn gestanna voru reknir útaf, annar á 88. mínútu og hinn á 4. mínútu uppbótartíma leiksins en heimamenn í Reyni náðu ekki að skora sigurmarkið og því lauk leiknum með stórmeistara jafntefli, 1-1.

Reynir frá Hellissandi situr nú í áttunda sæti 5. deildar karla með 6 stig eftir 12 leiki en næsti leikur liðsins verður gegn Mídasi næstkomandi laugardag klukkan 12 og verður hann spilaður á Grundarfjarðarvelli.

Fréttaveita Vesturlands

Jafntefli hjá Reyni og Stokkseyri